عرب امارات میں واٹس ایپ ویڈیو اور وائس کال فیچرزبحال

106

عرب امارات میں واٹس ایپ ویڈیو اور وائس کال فیچرزبحال

یو اے ای میں واٹس ایپ سمیت کسی بھی کمپنی کو ویڈیو اور وائس کالز کی سہولت فراہم کرنے کی اجازت نہیں اور وائس اوور انٹرنیٹ پروٹوکول (وی او آئی پی) کو استعمال کرتے ہوئے کی جانے والی ویڈیو اور وائس کالز بلاک تھیں۔

جب یو اے ای کے شہریوں کو معلوم ہوا کہ اب وہ واٹس ایپ کے ذریعے ویڈیو کالز بھی کرسکتے ہیں تو ان کی خوشی کی انتہا نہ رہی اور انہوں نے سماجی رابطوں کی ویب سائٹ پر اس خوشخبری کو شیئر کیا تاکہ کوئی اس سہولت سے فائدہ اٹھانے سے محروم نہ رہ جائے۔

عرب اخبار کی رپورٹ کے مطابق واٹس ایپ کے مذکورہ فیچرز بحال ہونے کے بعد یو اے ای کے شہری اتصلات اور دیگر نیٹ ورکس پر ویڈیو کالز کرنے کے اہل ہوگئے جب کہ وائی فائی استعمال کرنے والے صارفین بھی اس سے مستفید ہورہے ہیں۔

یہ واضح نہیں کہ واٹس ایپ کے یہ فیچر مستقل طور پر بحال ہوگئے ہیں یا پھر کچھ دنوں بعد بند ہوجائیں گے کیوں کہ وی او آئی پی سروسز کے حوالے سے حکومت کی پالیسی میں کوئی تبدیلی نہیں ہوئی ہے اور ساتھ ہی ان فیچرز کے بحال ہونے کے حوالے سے واٹس ایپ کی جانب سے بھی باضابطہ اعلان نہیں کیا گیا۔

Facebook Comments